Déi neiste Bäitreeg op dësem Site:

News

7.4.2017 Pressecommuniqué vum Wee2050 + Reaktioun vum Minister Meisch

07 Apr 2017

(comments: 0)

Fir wee maachen d’DP an de Minister Meisch Politik?
Fir d'Lëtzebuerger oder fir déi franséisch Partei UDI?

Mir waren erstaunt ze liesen, datt déi aktuell Politik vun der DP a vum Minister Meisch esou no un de Fuerderunge vun engem Bréif vun der UDI-Lëtzebuerg vu virun 3 Joer läit.
Den UDI-President Bruno Théret, deen och Member vun der "Assemblée des Français de l'étranger" ass, hat sech un de Lëtzebuerger Educatiounsminister gewannt fir mat aggressive Fuerderungen d'Schoulpolitik hei am Land ze re-orientéieren.
An dësem Bréif gëtt drop gedrängt fir den Enseignement ëmmer méi op Franséisch ze maachen, fir ëffentlech international Schoulen opzeriichten, an fir déi franséisch Alphabetiséierung anzeféieren. Däitsch a Lëtzebuergesch, sou wéi d’Méisproochegkeet am Allgemengen, ginn als net esou wichteg duergestallt. De Message ass: Eis Sprooch sollt dach dat Franséischt sinn

DE GANZEN PRESSECOMMUNIQUE: http://wee2050.lu/index.php/press.html?file=files/Site/2017/Pressecommunique-Wee2050-nee2015-%206.4%20LettreMeisch.pdf

D'Reaktioun vum Minister Meisch huet net lang op sech warden gelooss: https://www.gouvernement.lu/6872751/06-Wee2050-menje

4.4.2017 En 1,1-Milliounen-Awunner-Staat géif vill Problemer maachen

04 Apr 2017

Sou steet et am Sozialalmanach vun der Caritas.

Endlech gëtt den 1-Milliounawunnerstad mol richteg thematiséiert.

Dat war och een vun eisen Zieler déi mir am August 2015 fir de Wee2050 festgeluecht hunn:

Fir e nohaltegen kontrolléierten Wuesstem bis 2050

5.1. De Wuesstem baséierend op en staarkt Zouhuelen vun der Immigratioun an de Grenzgänger thematiséieren.

5.2. D'Konsequenzen vum Wuesstem op eis Liewensqualitéit diskutéieren (z.B. Wunnengsnout, Verkéierschaos, Ëmweltproblemer, a Verbauung).

5.3. Käschten vu neier Infrastruktur fir de Staat thematiséieren (z.B. nei Autobunnen, Schoulen, Staatsbeamten, Waasserversuergung an Spideeler).

5.4. D'Ofhängegkeet vun eisen Sozialsystemer zu engem staarken Wuesstem thematiséieren.

An engem Artikel am Wort hate mir eis dozou geäussert: Artikel vum Fred Keup, 19. Mäerz 2016

Hei elo de Link op d'Säit vun RTL: Sozialalmanach vun der Caritas

20.3.2017 Ënnerschreift d'Petitioun!

20 Mar 2017

(comments: 0)

http://chd.lu/wps/portal/public/Accueil/TravailALaChambre/Petitions/RoleDesPetitions?action=doPetitionDetail&id=890

De Minister Meisch wëll elo manner Lëtzebuergesch an dofir méi Franséisch an der Spillschoul an am Précoce.

Mir soe NEE. Ënnerschreift dofir d'Petitioun vum Schoulmeeschter J. Dahm mam Titel "NON à l'initiation au français à la crèche et au cycle 1 (=Spillschoul) et NON à l'apprentissage du français oral au premier trimestre du cycle 2.1 (=1. Schouljoer)"

Lëtzebuergesch ass eis gemeinsam an eenzeg Integratiounssprooch.

2/3 vun de Kanner an der Spillschoul schwätzen awer doheem kee Lëtzebuergesch.

Dofir ass d'Spillschoul op Lëtzebuergesch essentiell fir eng gutt Integratioun, fir d'Chancëgläichheet an eng gutt Viraussetzung fir d'Alphabetiséierung op Däitsch am 1. Schouljoer.

Franséisch an Englesch kënnen d'Kanner wéi bis elo, och méi spéit, léieren.

Dat gesäit och de Bildungsfuerscher Romain Martin esou:
"Bildungsforscher Professor Romain Martin schlägt vor: "Vielleicht sollte der Lernprozess in der Grundschule zeitlich so gestreckt werden, dass die Einführung des Französischen nicht so nahe auf den Alphabetisierungsstart im Deutschen erfolgt." Er ist sich sicher: „Die Schullaufbahn ist lange genug, um Fremdsprachen auch etwas später erfolgreich zu lernen.“"

25.2.2017 Lëtzebuergesch Nimm fir d'Tramstatiounen!

05 Mar 2017

(comments: 0)

Merci Luxtram Merci Stad Lëtzebuerg
Merci!

D'Statiounen um Kierchbierg:

• Luxexpo
• Alphonse Weicker
• Nationalbibliothéik / Bibliothèque nationale
• Universitéit
• Coque
• Europaparlament / Parlement européen
• Philharmonie - Mudam
• Pafendall - Rout Bréck

D'Statiounen um Lampertsbierg:

• Theater
• Faïencerie
• Stäreplaz / Etoile

Am Oktober hate mer dat nach an engem Post op Facebook gefuerdert: https://www.facebook.com/nee2015.lu/photos/a.894583283935502.1073741830.889354561125041/1286715814722245/?type=3&theater

An och bei eisen 10 Aktiounspunkten:
http://wee2050.lu/index.php/press.html?file=files/Site/2017/Pressecommunique-Wee2050-nee2015-11.1.2017%20Aktiounspunkten.pdf

14.2.2017 De Staatsminister Paul Eyschen huet schonn am Joer 1903 eng wonnerschéi Ried gehale fir d’Lëtzebuerger Sprooch!

14 Feb 2017

(comments: 0)

Dat war 1903:

"D'Lëtzebuerger Sprooch ass ons Freed an onse Stolz haut"

"Räich ware mer net, et ass jo och net de Räichtum, deen d'Gléck bedeit."

"...well eis Sprooch elo réischt geschriwwen gëtt"

"Ons Sprooch, dat ass en alen hellegen Eechebam: Keng Mënschenhand huet se geplanzt, zënter dausend Joer gruewen sech seng Wuerzelen an onst Land."

"Ons Sprooch, dat ass d'Muerch an de Schanken, si ass d'Blutt an onseren Oderen. Duerch d'Blutt verierft sech den Art: an dee soll keen ons verdierwen."

"Ons Sprooch, dat ass dem Vollek säi Geescht, de Lëtzebuerger Geescht, deen oppen ass (...). Ons Sprooch dat ass d'Lëtzebuerger Häerz, dat ëmmer festgehalen huet um Troun an um Glaw, um Vollek an dem Land"

Un Hand vun den Aussoen vum Staatsminister Paul Eyschen stelle mer fest:

- Eis Sprooch huet sech net vill verännert zënter 1903.
- Schonn 1903 ass eis Sprooch geschriwwe ginn.
- Schonn 1903 war d'Lëtzebuerger Sprooch e ganz wichtege Bestanddeel vun der Lëtzebuerger Identitéit.
- Zënter 1000 Joer schonn entwéckelt sech d'Lëtzebuerger Sprooch.
- de "Lëtzebuerger Geescht" war schonn deemols oppen.

De Paul Eyschen war Staatsminister vun 1888 bis 1915.

de ganzen Text:

http://nee2015.lu/index.php/press.html?file=files/Site/2017/paul%20Eyschen%20ganzen%20text.png

Page 16 of 44