2.10.2019 Bremst den extreme Wuesstem!! Leit campéiere virun SNHBM, fir Dossier ofzeginn
Den extremen Wuesstem muss ophéieren!
En huet katastrophal Konsequenzen!
Den Artikel ass vun: https://www.rtl.lu/news/national/a/1411999.html
Déi neiste Bäitreeg op dësem Site:
News
23.09.2019 Ee Beispill vun Frankophoniséierung Muss dat sinn?
D'Schëld war op Lëtzebuergesch an op Franséisch an ass elo nëmmen nach op Franséisch.
Ass Lëtzebuergesch vergiess ginn?
Oder ass et express ewechgemaach ginn?
Déi Foto ass haut gemaach ginn zu Éilereng, an der Gemeng Suessem.
Et wierkt komesch, well d'Gemeng Suessem huet souguer hir Internetsäit op Lëtzebuergesch.
Wann dir nach sou Beispiller hutt, dann schéckt eis se.
20.9.2019 Dem Corinne Cahen ass de Verloscht vun eiser Heemecht egal. Eis net!
Dem Corinne Cahen ass de Verloscht vun eiser Heemecht egal.
Eis net!
D'DP-Presidentin Corinne Cahen kann mat engem 1-Milliounen-Staat liewen! Mir net!
- Hir ass et egal, datt d'Lëtzebuerger an hirer eegener Heemecht an der Minoritéit sinn mat 30%!
- Hir ass et egal, datt Lëtzebuergesch kaum nach benotzt gëtt am Alldag an definitiv franséisch déi dominant Sprooch ass!
- Hir ass et egal, datt alles verbaut gëtt an ëmmer méi Stau ass.
- Hir ass et egal, datt d'Bevëlkerung ëmmer manner Gemeinsamkeeten huet! Keng gemeinsam Schoul! Keng gemeinsam Sprooch! Keng gemeinsam Geschicht!
- Hir ass et egal dat vill Lëtzebuerger aus hirer Heemecht verdriwwen ginn wéinst den héijen Hauspräisser.
De Wee2050 ass kloer géint d'DP-Utopie wou mir eis Séil verléieren!
A mir hunn do kloer déi politesch Mëtt hannert eis.
Mir erënneren un d ILRES Ëmfro: “Dépasser le seuil des 700.000 habitants est inacceptable pour les trois quarts de la population.” Esouguer 95% fannen den 1-Millioun-Awunnerstaat inakzeptabel*.
De Message vun de Leit un d’Politik ass kristallkloer: Bremst de staarken onkontrolléierte Wuesstem!
---------------------------------------------------------------------
Mir haten eis virgeholl de Wuesstem ze thematiséieren. Mir sinn houfreg drop dat erreecht ze hunn.
Hei sinn eis Ziler zum Wuesstem, formuléiert am August 2015:
5. Fir en nohaltegen, kontrolléierten Wuesstem bis 2050
5.1. De Wuesstem deen op e staarkt Zouhuele vun der Immigratioun an de Grenzgänger baséiert, thematiséieren.
5.2. D'Konsequenze vum Wuesstem op eis Liewensqualitéit diskutéieren (z.B. Wunnengsnout, Verkéierschaos, Ëmweltproblemer, a Verbauung).
5.3. D'Käschte vun neier Infrastruktur fir de Staat thematiséieren (z.B. nei Autobunnen, Schoulen, Staatsbeamten, Waasserversuergung an Spideeler).
5.4. D'Ofhängegkeet vun eise Sozialsystemer vun engem staarke Wuesstem thematiséieren.
d’Initiativ Wee2050
Mail: kontakt@wee2050.lu
Artikel:
https://www.wort.lu/de/politik/corinne-cahen-eine-million-einwohner-waeren-kein-verhaengnis-5d8370e1da2cc1784e34bcdd
*sondage OUR VISION sur l’avenir du Luxembourg par TNS ILRES en juillet 2012
11.9.2019 75 Joer Befreiung. Fräiheet fir Lëtzebuerg!
Och wann eiser Regierung esou Saachen ëmmer méi egal sinn,
Mir wäerten dat ni vergiessen!
Den 10. September sinn amerikanesch Trupen zesummen mam Prënz Felix an mam Ierfgroussherzog Jang an d'Stad eragefuer.
Desen wonnerschéinen Dag vun der Befreiung vun der däitscher Besatzung soll fir ëmmer an éiweg gefeiert ginn.
23.8.2019 De Michel Pauly vun der uni.lu bedeelegt sech un der Hetz
De Michel Pauly vun der uni.lu bedeelegt sech un der Hetz géint de Fred Keup.
Hien ënnerstëtzt déi skurril an absurd Fuerderung vun engem radikalen Hetzer vu Berlin.
Deen hat gefuerdert dass de Fred Keup als Staatsbeamten sollt entlooss ginn!
An de Michel Pauly liked dat!
Mir brauchen op der Uni Lëtzebuerg keng als politesch Aktiviste getarnten Akademiker, déi géint eng pluralistesch Demokratie schaffen, an däer jiddereen seng Meenung soen kann ouni Angscht mussen ze hunn beim Patron diffaméiert ze ginn.