De risege Problem mam onkontrolléierte Wuesstem, Bevëlkerungsexplosioun & Massenimmigratioun:
 
-Lëtzebuerg ass dat Land an Europa, dat am meeschte wiisst.
Dat féiert zu:
- extrem héijen Wunnengspräisser
- Verkéierskollaps & ëmmer méi Stau
- Zoubetonnéierung vun der Natur
- Manktem un Schoule, Klinniken, Infrastrukturen...
- Problemer mat Integratioun, Identitéit & Kultur
- trotzdem hu mer en Defizit am Staatsbudget
 
__________
ERKLÄRUNG:
Tëscht 1981 an 2018 ass d'Populatioun hei am Land ëm 65% an d'Luucht gaangen, vu knapps 365'000 op elo iwwer 602'000.
Den Ament wiist d'Bevëlkerung ëm bal 15.000 Leit pro Joer. Dat sinn 2,5 %, wat per Definitioun eng Bevëlkerungsexplosioun ass!
Tëscht 2013 an 2017, gouf et am Duerchschnëtt pro Joer 22.900 Immigranten an 12.390 Emigranten.
D'Zuel vun den Auslänner huet zënter 1961 eng Steigerung kannt vun 594.5%.
Wann et esou weider geet, wunnen am Joer 2030 bal 800.000 Awunner hei am Land. 2,5 % Wuesstem bedeiten, datt am Joer 2039, hei am Land 1 Millioun Leit wunnen, an am Joer 2050 dann 1.320.000 Leit.
 
Den onkontrolléierte Wuesstem bréngt riseg Problmer mat sech:
 
-Wunnengspräisser: D'Wunnenge ginn ëmmer méi deier! Pro Joer klëmmt de Präis ëm 5%, an dat obwuel ganz vill gebaut gëtt. Meeschtens souguer méi kleng an manner schéi wéi fréier! Mir kréie gesot, et wier keng Plaz méi do. Mee wa keng Plaz do ass, firwat kommen dann esou vill Leit heihi wunnen?
Bal 50.000 Lëtzebuerger wunnen hautesdags am Ausland. Iwwer 2.000 Lëtzebuerger verloossen all Joer d'Land an wanderen aus! Mat onkontrolléiertem Wuesstem wäerten d'Präisser, egal wéi, weider klammen.
 
-De Verkéierskollaps: Parallel zum Bevëlkerungswuesstem, ass d'Zuel vu motoriséierte Gefierer eropgaangen: vun 204.818 am Joer 1990 op 496.326 am Joer 2019. Pro Joer ginn et hei am Land 10.000 Autoe méi!
Dozou kommen nach d'Autoe vun de Frontalieren:
D'Zuel vu Frontalieren huet zougeholl vu 50.000 am Joer 1995 op 200.000 am Joer 2019.
Eleng tëscht 2015 an 2018 gouf et eng Zounahm vun 22.000 Frontalieren an 3 Joer!
D'Verkéierssituatioun wäert sech weider dramatesch verschlechteren. Weder den ëffentlechen Transport nach de Stroossebau kommen dem onkontrolléierte Wuesstem hannendrun.
Dobäi kënnt nach datt grad déi ländlech Gemenge vill méi séier wuessen.
 
-D'Zoubetonnéierung vun der Natur:
Vun 1990 an 2015 ass méi Terrain verbaut ginn, wéi an de ganzen 2000 Joer virdrun!
Am Joer 1990 waren 4,3% vun eisem Territoire verbaut. Am Joer 2015 sinn et 10% !!
Zu Lëtzebuerg ginn also pro Dag bal 2 Hektar Natur zerstéiert a verbaut!
80% vun de Fiichtgebitter sinn zerstéiert. Just nach 2% vun eisen Baachen hunn anstännegt Waasser!
D'Landwirtschaft verléiert ëmmer méi Terrainen, well se verbaut ginn oder wéinst Kompenséierungsmossnamen.
 
-Den Defizit am Staatsbudget: Trotz Wuesstem hu mer all Joer en Defizit an de Staat mécht all Joer Scholden. D'Staatsscholde si vun 2 Milliarden am Joer 2000 op 14 Milliarden am Joer 2018 eropgaangen.
 
----------
-
DOFIR: Iwwer 1 Millioun Awunner am Joer 2045?
Da musse mir wuel alles verduebelen:
Wunnengen, Schoulen, Geschäfter, Akafszenteren, Kliniken, Waasserversuergung, Offall, Sportshalen, Fussballsterrainen, Stroossen, Schinnen, Kläranlagen, asw? Léierpersonal, Polizisten....?
Wéi steet et dann nach ëm déi sozial Cohesioun?
Ass net awer heiansdo manner méi? Manner Wuesstem, méi Liewensqualitéit?
 
Dofir: Bremsen vun Bevëlkerungsexplosioun an Massenimmigratioun, eist Land packt dat net!
Zënter dem Referendum 2015 setze mir eis fir d'Lëtzebuerger Sprooch an (a fir d'Méisproochegkeet) a fir e méi luesen a verstännege Wuesstem.-
http://wee2050.lu/
 
---------------------------------------------------------------------
Quellen:
https://statistiques.public.lu/fr/actualites/population/population/2018/04/20180419/20180419.pdf
 
https://statistiques.public.lu/catalogue-publications/analyses/2019/PDF-Analyses-01-2019.pdf
 
http://observatoire.liser.lu/pdfs/Logement_chiffres_2017T2.pdf
 
https://statistiques.public.lu/stat/TableViewer/tableView.aspx?ReportId=13499&IF_Language=fra&MainTheme=4&FldrName=7&RFPath=7049%2c13898
 
https://statistiques.public.lu/stat/TableViewer/tableView.aspx?ReportId=12919&IF_Language=fra&MainTheme=2&FldrName=3&RFPath=92
 
http://www.tageblatt.lu/headlines/luchs-und-netz-sind-in-luxemburg-ausgestorben
 
https://www.journal.lu/article/plan-wird-in-die-tat-umgesetzt/
 
http://www.tageblatt.lu/nachrichten/die-agrarzonen-endlich-schutzen-25120016/

Go back